OTR| Oh That's Normal!

Hello...

 

eating: nothing.

Drinking: Chai Latte.

Listening to: Burn|Alkaline Trio.

Mood: Sleepy. -,-

 

طبيعي...

 

 

لما نستخدم هالكلمة للإشارة لشيء معين أو سلوك إجتماعي معين، شو اللي نقصده؟

كثيرين يقولولي...أنتي مش طبيعية

نمط الحياة اللي تعيشينها مش طبيعي...

سؤال....

شو هو الشي الطبيعي؟

لو بنفكر بالشي الطبيعي فهو ببساطة الشي المتعارف عليه و المألوف في المجتمع بحيث الأغلبية من الناس في المحيط الإجتماعي اللي الفرد فيه توافق عليه..و تشيد فيه كسلوك مناسب للجميع

سؤال ثاني...

كيف ممكن نحدد الشيء المناسب للجميع في حيث كل شخص في الدنيا مختلف عن الشخص الآخر بنسبة أو بأخرى، حتى لو نظرنا للأسرة الواحدة رح نلاقي فرق شاسع و تباين في كل فرد فيها بحيث ما عادت الأم أو الأب قادرين على فرض سلوكيات معينة للكل بدون ما تصير إنتفاضة بين الأبناء لأن كل واحد فيهم " مختلف" فكيف نحدد السلوك الطبيعي بطريقة تناسب الكل؟

لما نقول أنه هالسلوك طبيعي...أو ذاك السلوك مش طبيعي..عن شو بالضبط نحن قاعدين نتكلم؟

و هالشي المش طبيعي..هل هو مش طبيعي لأنه الشخص مو عاجبه هالسلوك فخلاص قرر أنه يعمم على الجميع إعتقاداته و كأنها قرآن كريم؟...

 شخصيا أنا مؤمنة بحرية التفكير...لكن فرض الراي هو اللي ما أوافق عليه..لأنه دليل على جهل تام...اللي رأيه صحيح المفروض ما يخاف، مصير الصدق يبين..واللي معاه الحق مو محتاج لطرق سخيفه لتعميم رأيه...

........

في الإمارات عندنا..أول ما الطفلة المولودة تبدأ تكبر و يصير عندها شهور تاخذها الأم حتى تسوي

piercing

لأذنها..حتى تبدأ البنت تلبس حلق في إذنها بإعتبار هالشي نورمال و طبيعي...بينما في أمريكا يعتبر ثقب الأذن مثل ثقب الحاجب و اللسان و أغلب الأهل ممكن ما يسمحون للبنت حتى يصير عمرها 16 حتى تثقب إذنها....

which is Normal?

.............

عندنا البنت يزوجونها بدون موافقتها..و ما تشوف زوجها غير ليلة العرس....و في أغلب الحالات صدمتها بمعرس الغفلة تكون مالها أول ولا تالي...لأنه يطلع شايب..ومغبر...وعنده كرش و أصلع..و البنت حتى ما يحقلها تعترض و لا تشتكي

لكن في الدول الغربية و بعض الدول العربية اللي الله فاتح عليهم، تختار البنت عريسها بنفسها..وتتزوج عن حب...حتى في بعض الدول البنت هي اللي تخطب الولد..

which is Normal?
..............

في الإسلام البنت يحق لها تشوف الخاطب و تكلمه..وتخلعه بعد الزواج لو ما عجبها بعد....لكن اللي تخلع زوجها في المجتمع عندنا تعتبر وقحة و ما تستحي.....لاحظو كيف التقاليد ماشية عكس الدين...و طبعا أنا أصلا شايفة الزواج التقليدي بكبره غباء لا متناهي الحدود....

أنتوا شو رايكم....

WHICH is normal? and Who decides what's normal? is it me? you? Islam? Society? Traditions? Adam Lambert? LOL!

..........

عندنا الشاب قد الثور عمره ثلاثين سنة...يخلي أمه تخطبله على ذوقها شريكة حياته و أم عياله المستقبلية....لكن أتحداكم تلاقون واحد في الثلاثين يخلي أمه تشتريله النعال اللي   في رجله.....أكيد لو أقول لأي شاب خلي أمك تشتريلك الشوز..رح يقول أنتي هبلة؟ كيف أمي بتعرف
تشتريلي نعال يناسب ذوقي؟...و أم عيالك المستقبلية يالثور؟ مو مشكلة لو ما طلعت مناسبة؟

هاذا السلوك اللي متعارف عليه في مجتمعي....

but tell me...is that normal?

............

الزوج يحقله يضرب مرته للتأديب....
it's perfectly normal in our society!
و الزوجة أم العيال كرامتها تنهان كل يوم قدام عيالها....الطبيعي إنها تصبر...و اللي تطلب الطلاق أو تهجر زوجها تصير ناشزة بحكم الدين....

what's normal in this situation?

..........

أنا مثلية....
أدرس..أشتغل...عايشة مع أهلي....وعندي صداقات كثيرة...أحترم الكل و الكل يحترمني..لأني مثلية قررت أنه الأنسب لي أني ما أتزوج..ولا أفرض على نفسي نمط حياة ضد فطرتي....ما حبيت أمثل على اللي حوالي أني بتغير لما أتزوج ولا قدرت أكذب و أورط إنسان ماله ذنب معاي....مافي أي نية خبيثة ورا قراري....كل اللي أبيه أني أعيش بسلام..بدون ما أفرض على نفسي حياة كريهة علشان غيري يرتاح

what's so abnormal about that?

Alex

...........