OTR| Talk all you Want

صباح الخير...

فيني طاقة قلت أكتب بوست  ولو أني أتصور الكل نايم هالحزة بس ما عليه..

  

كيف الصحة؟ ما عندي شي أقوله بصراحـــــة بس شوية دراما قاعدة تصير معاي و لأنه مالي خلق أتكلم فيها بعطيكم شوية نصايح خلوها في بالكم أحسن من أنكم تمرون بالتجربة السخيفة ذاتها خذوها مني جاهزة...

أحيانا الوحدة فينا ممكن أنها تتصور أن الناس اللي تعرفهم من فترة محل للثقة، و ممكن أنكم تاخذون راحتكم في الكلام مع الناس بس بحكم أنكم تعرفونهم من زمان..لكن خذوها مني نصيحة...مهما كان الشخص اللي معاكم محل للثقة..لا تذمون حد من الناس حتى لو كنتوا تكلمون صديق عزيز أو شخص ما رح يتكلم..و حتى لو كلامكم اللي تقولونه صدق...خلكم من النوع اللي دايم يذكر الناس بالخير و الله بتحسون بالراحة..

...........
 

اليوم كنت أبي أموت من الضحك على إنسانة كنت أعرفها من قبل...كنت كعادتي مع الكل أعاملها بذوق و إحترام يمكن بعد كنت أعزها وايد و كان لها مكان خاص عندي...بسبب خاص فيها ليومنا هاذا انا ما أعرفه قطعتني و لا رجعت تكلمني...و كانت تذمني من وراي و تفكرني ما أدري...لكن أنتو تعرفون ماشاالله كيف الحش و النميمة تنتشر بين الناس...بيني و بينكم صح في خاطري كنت متضايجة بس لأني كنت أعزها..لكن أنا من النوع اللي ما أتمسك في الناس اللي تبيعني برخيص...

 المهم...لأني أدري أنه الناس شايفة بدون ما أتكلم...كانو البنات يستغربون..يقولولي كيف تذكرينها بالخير و هي تقول عنج كلام حقير..و تذمج...كنت أضحك و أقول أدري أنها تقول كذا و كذا..و أطنش...

مو لأني ملاك...لكن بالفعل...لما الواحد يمشي على الصح ما رح يلاقي الشخص اللي يكرهك شي يمسكه عليك...هالبنت مالقت حد يسمعها..الكل صار يشوف كيف هي حقيرة مو لشي..بس لأني ما أستسلمت لكلامها و إشاعاتها..و بيني و بينكم الناس عندها عيون و تقدر تشوف..ما يحتاج أروح أسبها و أغلط عليها...أنا ما نسيت العشرة اللي بينا...و لأنها هي نستها كل صديقاتها قامو يبعدون عنها بدون أي تدخل مني..مثل ما أقول دايما الناس السلبية تدمر نفسها بنفسها..
...

المهم..ما أبي أطول في الكلام بس صدقوني..خلكم ماشيين على الصح و ما رح تلاقون أي مشاكل في حياتكم..و رح تحصلون جزاء هالشي سواء الحين و إلا بعدين...

See you Later...and stay good. (:

Alex